حقد دون رحمه

السلام عليكم ورحمة الله وبركاته

قصيدة اعجبتني فحبيت انقلها لكم

اخليكم مع القصيدة واتمنى تعجبكم


يلي زعلت ازعل ولا ني مراضيك •• إشرب كثر ماي البحر جانه أرضاك

لا تحسب إني عقب صدك بداريك •• بعز نفسي عنك مدراك مدراك

اربع سنين أنا متحمل تغليك •• راضي بتعذيبك لأجل قلب أغلاك

وخليتني واليوم والله لأخليك •• وادوس قلبي لينه يقول خلاك

قبل توريني الحسايف بوريك •• لين ما يقول فلان هانك ووراك

كانك تحداني فأنا أقبل تحديك •• و أنسى الغرام الي مضى و أتحداك

ماني بقايل لك عسى الله يهنيك •• الله يحرمك كل ما كان هناك

عسى العمى يا خاين العهد يعميك •• فوق الغرور الي على الماضي أعماك

وعساك ما تسمع قريب يناديك •• حيثك تجاهل صوت محروم ناداك

و عسى الشلل يعوق رجل تمشيك •• لين التندم ليش غيرت ممشاك

وعسى حياتك بس فرحة لشاريك •• يلقى بها الفرصة عدوك و يشناك

وعسى الليالي الي جيني بطاريك •• يصبح عليها الصبح و تموت طرياك

وعسى المنام وكل راحة تجافيك •• ( آمين) حتى الي تمناه يجفاك

وعساك ما تفرح و تكثر بلاويك •• و امك تشق الجيب من عظم بلواك

ولا مت جعلك في جهنم تصاليك •• نار الجحيم و نار الدنيا تصلاك

الله يكره فيك حتى ذوانيك •• غشاش خاين من من الناس داناك

هذي النهاية روح والله يجازيك •• أمسك و يومك عقب الغد يقذاك